Bloger Sevinc Hüseynovanın tanınmış teleaparıcı, “Bax Da” və “Əsas TV” kanallarının rəhbəri Səidə Bəkirqızına qarşı qaldırdığı məhkəmə iddiası təmin olunmayıb.
Globalinfo.az-ın xəbərinə görə, aparıcının vəkili Yaqub Nəcəfli BiG.AZ-a açıqlamasında bildirib ki, “Sumqayıt Şəhər Məhkəməsində Hüseynova Sevinc Bağman qızının Bayramova Səidə Bəkir qızına qarşı xüsusi ittiham qaydasında verdiyi ərizəyə baxılıb.
Məhkəmə baxışının nəticəsi olaraq xüsusi ittiham qaydasında verilmiş şikayət icraata götürülməyib.
Bu nəticə bir daha göstərir ki, cinayət təqibi aləti şəxsi münasibətlərin, əsassız ittihamların və emosional iddiaların davamı kimi istifadə edilə bilməz. Böhtan və təhqir kimi ittihamlar ciddi hüquqi əsas, konkret sübut və qanunun tələb etdiyi prosessual çərçivə olmadan məhkəmə icraatına çevrilə bilməz.
Yaqub Nəcəfli
Bayramova Səidə Bəkir qızı barəsində irəli sürülmüş iddiaların məhkəmə icraatına qəbul edilməməsi müdafiə tərəfinin mövqeyinin əsaslı olduğunu göstərən mühüm prosessual nəticədir.
Səidə xanımın vəkili olaraq bildirirəm ki, bu tip şikayətlər ictimai nüfuza təzyiq vasitəsi kimi deyil, yalnız real hüquqi əsaslar olduqda qaldırılmalıdır. Əks halda, məhkəmə mexanizmlərinin əsassız iddialarla yüklənməsi həm ədalət mühakiməsinin mahiyyətinə, həm də şəxslərin hüquqi təhlükəsizliyinə ziddir”.
Həmçinin oxuyun
