Aşura günü ilə bağlı Azərbaycanda keçirilən könüllü qanvermə aksiyası davam edir.
Səhiyyə Nazirliyindən Globalinfo.az-a verilən xəbərə görə, saat 10:00-a olan ilkin göstəricilərə əsasən, 501 nəfər könüllü donor qan verib. Nəticədə ümumilikdə 225.45 litr qan toplanıb.
Bildirilib ki, bu il qanvermə aksiyası respublikanın 30 şəhər və rayonunda yerləşən 40 məntəqədə təşkil olunub. Məntəqələrin 24-ü məscid və ziyarətgahlarda, 15-i tibb, 1-i isə təhsil müəssisəsində fəaliyyət göstərir.
Səhər saat 08:00-da start götürən aksiya gün ərzində davam edir.
***09:04
“Təzəpir” məscidində Aşura günü ilə bağlı qanvermə aksiyası başlayıb.
Globalinfo.az xəbər verir ki, qanvermə aksiyasında Qafqaz Müsəlmanları İdarəsinin sədri Şeyxülislam Hacı Allahşükür Paşazadə, eyni zamanda ölkəmizdə fəaliyyət göstərən ayrı-ayrı dini icmaların nümayəndələri də iştirak edəcəklər.
Bu il qanvermə tədbirləri aşağıdakı ünvanlarda təşkil olunub:
| S/n | Şəhər, rayon | Qanvermə aksiyasının keçirildiyi yer |
| 1 | Xəzər | Mirmövsüm Ağa Ziyarətgahı |
| 2 | Nəsimi | Əjdərbəy məscidi (Göy məscid) |
| 3 | Nizami | “Sahib-əz-Zaman” məscidi |
| “Şah Abbas” məscidi | ||
| 4 | Səbail | “Bibiheybət” məscid ziyarətgahı |
| 5 | Sabunçu | “İmam-Rza” məscidi |
| 6 | Suraxanı | “Qaraçuxur” məscidi |
| 7 | Yasamal | “Təzə Pir” məscidi |
| İlahiyyat İnstitutu | ||
| 8 | Binəqədi | Came məscidi |
| “İmam Əli” məscidi | ||
| 9 | Gəncə | “İmamzadə” məscid ziyarətgah kompleksi |
| 10 | Lənkəran | Mərkəzi Qan Bankının Lənkəran bölməsi |
| 11 | Mingəçevir | “Heydər” məscidi |
| 12 | Sumqayıt | “Cümə” məscidi |
| 13 | Şəki | “İmam Əli” məscidi |
| 14 | Şirvan | Şirvan şəhər məscidi |
| 15 | Bərdə | “İmamzadə” ziyarətgah məscidi |
| 16 | Quba | Mərkəzi Qan Bankının Quba bölməsi |
| 17 | Masallı | “Cümə” məscidi |
| Masallı r-n Boradigah qəsəbə xəstəxanası | ||
| 18 | Göyçay | “Əbülfəzlil Abbas” məscidi |
| 19 | Xaçmaz | Rayon Mərkəzi Xəstəxanası |
| 20 | Salyan | “Hacı Tağı” məscidi |
| 21 | Şuşa | “Yuxarı Gövhər ağa” məscidi |
| 22 | Ağdam | Ağdam şəhər “Cümə” məscidi |
| 23 | Naxçıvan şəhəri | “Heydər” məscidi |
| Sarvanlar məscidi | ||
| Pirqəmiş məscidi | ||
| 24 | Babək | Mərkəzi Rayon Xəstəxanası |
| Qahab, Cəhri və Nehrəm kənd həkim məntəqələri | ||
| 25 | Ordubad | Rayon Mərkəzi Xəstəxanası |
| 26 | Culfa | Rayon Mərkəzi Xəstəxanası |
| Bənəniyar kənd həkim məntəqəsi | ||
| 27 | Şahbuz | Rayon Mərkəzi Xəstəxanası |
| 28 | Kəngərli | Rayon Mərkəzi Xəstəxanası |
| 29 | Sədərək | Rayon Mərkəzi Xəstəxanası |
| 30 | Şərur | Rayon Mərkəzi Xəstəxanası |
Qeyd edək ki, qanvermə aksiyası Qafqaz Müsəlmanları İdarəsinin təşəbbüsü və Səhiyyə Nazirliyinin birgə təşkilatçılığı ilə reallaşır. Aksiya zamanı toplanan qan hemofiliya və talassemiya, həmçinin digər xəstəliklərdən əziyyət çəkən insanların müalicəsində istifadə olunacaq.
Həmçinin oxuyun
