Gürcüstan Dövlət Təhlükəsizlik Xidməti xarici kəşfiyyat agentliyində çalışan yüksək vəzifəli məmurun həbs olunduğunu bildirib.
Globalinfo.az xəbər verir ki, bunu Gürcüstan Dövlət Təhlükəsizlik Xidməti rəisinin birinci müavini Laşa Maqradze açıqlayıb .
Məlumata görə, saxlanılan Gürcüstan vətəndaşı dövlət qurumunda yüksək vəzifə tutub. O, vəzifəsindən istifadə edərək sistematik olaraq məxfi məlumatlar toplayıb.
Müstəntiqlər onun bu məlumatları xarici kəşfiyyat xidmətinin nümayəndəsinə ötürdüyünü müəyyən ediblər. Maqradzenin məlumatına görə, iş icraçıları ilə agent arasında görüşlər ciddi məxfilik şəraitində keçirilib.
Əlaqələrin planlaşdırılması üçün şifrələnmiş ikitərəfli rabitədən istifadə edilib və yerlər əvvəlcədən razılaşdırılmış şərtlərə uyğun olaraq seçilib. Məlumatlar həm şəxsən, həm də elektron cihazlar vasitəsilə ötürülüb.
Tahir Turan
Globalinfo.az
Həmçinin oxuyun
