“Hazırda ümumilikdə 69 milyon barrelə yaxın neft daşıyan 41 tanker elə vəziyyətdədir ki, Tehran bu yükləri bazara çıxara bilmir”.
Globalinfo.az xəbər verir ki, bunu ABŞ Mərkəzi Komandanlığının (CENTCOM) rəhbəri Brad Kooper İran ətrafında tətbiq olunan dəniz blokadasından danışarkən deyib.
Kooper həmin neftin ümumi dəyərini 6 milyard dollardan çox qiymətləndirib və bu vəsaitin İranın istifadəsindən kənarda qaldığını vurğulayıb:
“ABŞ qüvvələri indiyədək blokadanı yarmağa çalışan 42 ticarət gəmisinin istiqamətini dəyişməyə nail olub.
Onlarla gəminin hərəkətinin qarşısı alınmaqla İran ətrafında dəniz blokadası effektiv şəkildə həyata keçirilir.
Bu tədbirlər nəticəsində İranın neft gəlirlərinin milyardlarla dolları faktiki olaraq bloklanıb”.
Safura Bənnayeva
Globalinfo.az
