İranın xarici işlər naziri Abbas Əraqçi ABŞ-ın regiondakı planlarının uğursuzluğa məhkum olduğunu bildirib.
Globalinfo.az xəbər verir ki, o, bu barədə sosial şəbəkə hesabında paylaşım edib. Xarici işlər naziri ABŞ Prezidenti Donald Trampa müraciət edərək Vaşinqtonun hərbi planlarını tənqid edib.
“Cənab Prezident, sürətli və təmiz hərbi qələbəyə nail olmaq üçün A planı uğursuz oldu. Sizin B planınız daha da böyük bir uğursuzluq olacaq”, – deyə o bildirib.
Nazir əlavə edib ki, İran regionda təzyiq və hərbi təhdidlər qarşısında geri çəkilməyəcək və ölkə öz təhlükəsizliyini qorumaq üçün bütün imkanlardan istifadə edəcək. Onun sözlərinə görə, Yaxın Şərqdə vəziyyətin gərginləşdirilməsi region üçün ciddi nəticələr doğura bilər.
Tahir Turan
Globalinfo.az
