Fevralın 9-u axşam saatlarında 11-ci Ayrı-ayrı Ordu Aviasiya Briqadasına məxsus Mi-24 hücum helikopterinin qəzaya uğraması və heyət üzvlərinin həlak olması barədə məlumat yayılıb.
Globalinfo.az xəbər verir ki, bu barədə “Sputnik Near Abroad” öz Teleqram kanalına istinadən xəbər verib.
Məlumata görə, helikopterin heyəti Ukraynanın cənubunda döyüş tapşırığını yerinə yetirərkən həlak olub. Hadisənin səbəbləri və dəqiq başvermə yeri ilə bağlı əlavə məlumat açıqlanmayıb.
Qeyd edək ki, daha əvvəl Ukrayna Silahlı Qüvvələrinin nəzarətində olduğu bildirilən Zaporojye şəhərində fevralın 9-u axşam saatlarında bir neçə partlayışın baş verdiyi barədə xəbərlər yayılmışdı.
Tahir Turan
Globalinfo.az
