Portuqaliya millisinin hücumçusu Kriştianu Ronaldo 2026-cı il dünya çempionatının seçmə mərhələsinin son turunda Ermənistanla oyunu buraxacaq.
Globalinfo.az xəbər verir ki, buna səbəb superulduzun ötən gün qırmızı vərəqə ilə cəzalandırılmasıdır.
Belə ki, Portuqaliya səfərdə İrlandiya ilə qarşılaşıb və 2:0 hesabı ilə uduzub. Bu oyunda komandanın kapitanı Kriştianu Ronaldo qırmızı vərəqə alaraq son tur matçında iştirak hüququndan məhrum olub.
Hazırda Portuqaliya seçmə qrupunda 10 xalla liderdir. Macarıstan 8 xalla ikinci, İrlandiya 7 xalla üçüncü, Ermənistan isə 3 xalla sonuncu pillədə qərarlaşıb.
Safura Bənnayeva
Globalinfo.az
