Fevralın 7-də Bakıda sığınacaqdan qaçmış 17 yaşlı qız tapılıb.
Globalinfo.az-ın əldə etdiyi məlumata görə, Azərbaycan Uşaqlar Birliyinin sığınacağını tərk edən 2006-cı il təvəllüdlü Lalə Quliyeva həmin gün saat 06:50 radələrində sığınacaqdan xəbərsiz çıxıb gedib və geri qayıtmayıb. Dərhal polisə məlumat verilib və axtarışlara başlanılıb. Bir neçə saat sonra L.Quliyeva özü sığınacağa qayıdıb.
Bildirilir ki, L.Quliyeva 2 ilə yaxındır ailəsini tərk edib və Bakıda sığınacağa yerləşdirilib. Onun ailə-məişət zəminində sığınacağa üz tutduğu qeyd edilib.
Faktla bağlı Binəqədi Rayon Polis İdarəsində araşdırma aparılır.
Malik
Globalinfo.az
