Azərbaycan Prezidentinin rəsmi saytında Ramiz Mehdiyevin “Heydər Əliyev” ordeni ilə təltif edilməsi barədə məlumat silinib.
Globalinfo.az bildirir ki, söhbət 23 oktyabr 2019-cu ildə dərc edilmiş və Mehdiyevin “dövlət idarəçiliyində və elmin inkişafında xidmətlərinə görə” ali dövlət mükafatına layiq görülməsi xəbərindən gedir.
Hazırda həmin link “404 – səhifə tapılmadı” xətası verir.
Xatırladaq ki, Ramiz Mehdiyev uzun illər Prezident Administrasiyasına rəhbərlik edib və 2019-cu ildə təqaüdə çıxıb.
O, dövlətə xəyanətdə təqsirli bilinir. Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
Səbail rayon məhkəməsi Ramiz Mehdiyev barədə 4 ay müddətinə ev dustaqlığı qətimkan tədbiri seçib.
Bir qədər əvvəl R.Mehdiyevin titul və adlardan məhrum ediləcəyi haqda xəbərlər yayılmışdı.
Tahir Turan
Globalinfo.az
