Avropa Komissiyası 2030-cu ilə qədər Aİ-nin müdafiə qabiliyyətini artırmaq və üzv ölkələrin hərbi özünütəminini gücləndirmək məqsədilə “Müdafiə Hazırlığı Yol Xəritəsi 2030” adlı təşəbbüsü elan edib.
Globalinfo.az xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas bildirib.
Kallas yol xəritəsinin əsas məqsədinin yaxın gələcəkdə sülhü qorumaq və Avropa müdafiəsini gücləndirmək olduğunu bildirib.
O qeyd edib ki, Ukraynada müharibə bitsə belə, Aİ-yə təhdidlər davam edəcək və buna görə üzv dövlətlər müdafiə imkanlarını artırmalıdır:
“Ukraynada müharibə bitsə belə, təhlükə aradan qalxmayacaq. Üzv dövlətlər yol xəritəsi vasitəsilə NATO-nun məqsədlərinə uyğun olaraq müdafiə sektorundakı çatışmazlıqları aradan qaldıracaq”.
Yol xəritəsi çərçivəsində Aİ 2030-cu ilə qədər üzv dövlətlərin bütün müdafiə çatışmazlıqlarını aradan qaldırmağı planlaşdırır.
Tahir Turan
Globalinfo.az
