Bakıda keçirilən “İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi” mövzusunda beynəlxalq konfransın iştirakçıları Ağdərədə aşkarlanan kütləvi məzarlıq ətrafında olan ərazidə minaların zərərsizləşdirilməsi prosesini izləyiblər.
Globalinfo.az xəbər verir ki, konfrans iştirakçılarına kütləvi məzarlıq və Ermənistan silahlı qüvvələri tərəfindən işğal dövründə minalanmış ərazilər barədə məlumat verilib.
X X X
İtkin düşmüş şəxslər üzrə Bakı Dialoqu çərçivəsində “İtkin düşmüş şəxslər probleminin həlli üçün səylərin birləşdirilməsi və əməkdaşlığın genişləndirilməsi” mövzusunda beynəlxalq konfransın iştirakçıları Ağdərə rayonuna səfər edib.
Globalinfo.az xəbər verir ki, heyət Ağdərə rayonunun Ballıqaya kəndi ərazisində əvvəllər döyüş mövqeyi olmuş yüksəklikdə 10-dan artıq Azərbaycan hərbçisinə aid olması ehtimal edilən meyit qalıqlarının aşkarlandığı kütləvi məzarlığa gəlib.
Heyət bu gün daha sonra Şuşa şəhərinə səfər edəcək.
