Yəmən sahillərində miqrantları daşıyan gəminin qəzaya uğraması nəticəsində ölənlərin sayı 76-ya çatıb.
Globalinfo.az “Report”a istinadən xəbər verir ki, bu barədə “Frans Press” agentliyi məlumat yayıb.
“Yəmənin təhlükəsizlik xidmətlərinin nümayəndələri bildiriblər ki, Ədən körfəzində gəmi qəzasından sonra 76 meyit aşkar edilib”, – məlumatda bildirilib.
Qeyd edilib ki, 32 nəfər xilas edilib.
***08:56
Yəmənin cənubundakı Əbyən əyaləti sahillərində miqrantları daşıyan qayığın batması nəticəsində ölənlərin sayı 55-ə çatıb.
Globalinfo.az APA-ya istinadən xəbər verir ki, əyalətinin Zincibar rayonunun səhiyyə idarəsinin müdiri ölənlər arasında bir Yəmən vətəndaşının da olduğunu bildirib.
Məlumata görə gəmidə 100-dən çox efiopiyalı olub və onlarla adam hələ də itkindir.
Qeyd edək ki, Yəmən Afrika ölkələrindən, xüsusilə Efiopiya və Somalidən olan qeyri-qanuni miqrantlar üçün tranzit məntəqəsi hesab olunur.
Qeyri-qanuni afrikalı miqrantların əksəriyyəti Körfəz ölkələrinə, xüsusən də Səudiyyə Ərəbistanına getmək arzusu ilə Cibuti vasitəsilə Yəmənə keçirlər.
