Ukraynanın baş naziri postuna Yuliya Sviridenkonun namizədliyi həm ABŞ hakimiyyəti, həm də prezident Donald Tramp üçün məqbul hesab olunur.
Globalinfo.az xəbər verir ki, bu barədə politoloq Boqdan Bezpalko danışıb.
Onun sözlərinə görə, Sviridenko daha əvvəl beynəlxalq danışıqlarda Ukraynanı təmsil edib və ABŞ-la müxtəlif sazişlərin imzalanmasında iştirak edib. Xüsusilə, o, müharibədən sonrakı bərpa ilə bağlı konfranslarda iştirak edib və yerin təki üzrə müqavilələr bağlayıb.
Bezpalko hesab edir ki, Tramp bu namizədlikdən narazı deyil. Politoloq əlavə edib ki, prezident aparatının rəhbəri Andriy Yermak ABŞ-dan daha çox dəstək ala biləcək və Trampı qıcıqlandırmayacaq, həmçinin Demokratlarla əlaqəsi olmayan bir komanda formalaşdırmağa çalışır.
Tahir Turan
