Qərbin Ukraynaya davamlı şəkildə silah tədarükü sülh yolu ilə həll yollarının tapılmasına kömək etmir.
Globalinfo.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova danışıb.
Diplomatın sözlərinə görə, silah axını Ukraynada hərbi əməliyyatların uzanmasına və nəticə etibarilə ölkənin və xalqın məhvinə gətirib çıxarır.
“Silahların vurulması hərbi hərəkətlərin uzadılmasına, sözün əsl mənasında Ukraynanın və ukraynalıların məhvinə səbəb olur”, – deyə Zaxarova vurğulayıb.
O əlavə edib ki, silah tədarüklərinin miqyasının artması Ukraynadakı korrupsiya risklərini də yüksəldir. Belə yardım isə Kiyevi daha da korrupsiyaya uğramağa təşviq edir.
Bundan əvvəl Zaxarova Ukraynaya dəstək verən ölkələri “istəklilər koalisiyası” adlandırılan qrupun iştirakçıları kimi tənqid etmiş və onların davranışını “zombilərə” bənzətmişdi.
Tahir Turan
Globalinfo.az
