“Almaniya ordusu Rusiya ilə münaqişəyə hazır olmaq üçün 2028-ci ilə qədər yenidən silahlanmalıdır”.
Globalinfo.az xəbər verir ki, bunu Almaniya ordusunun Satınalmalar Direktorluğunun prezidenti Annit Löniqk-Emden “Tagesspiegel” nəşrinə müsahibəsində deyib.
“Cəmi üç ilimiz var. 2028-ci ilə qədər tam müdafiəyə hazır olmaq üçün lazım olan hər şey alınmalıdır. Əsgərlər yeni avadanlıqla məşq etməlidirlər. Artıq şöbəmiz bu ruhdadır. Biz bunu edəcəyik! İndi şüarımız budur”, – o bildirib.
Ordu rəsmisi Rusiyanın 2029-cu ilə qədər NATO ölkələrinə hücum edə biləcəyini iddia edib.
Günay Rəsulqızı
Globalinfo.az
