Rusiyada sahibkar Areq Şepixin oğurlanması ilə bağlı 6 nəfər saxlanılıb.
Globalinfo.az xəbər verir ki, bu barədə Rusiya Daxili İşlər Nazirliyi məlumat yayıb.
Hadisə anının görüntülərində əks olunan şəxslərin hər birinin müəyyən edildiyi bildirilir.
Araşdırma davam edir.
***
Moskvanın Yaroslavl vağzalında sahibkar Areq Şepixin oğurlanıb.
Globalinfo.az Teleqraf-a istinadən xəbər verir ki, sosial şəbəkələrdə onun bir qrup naməlum şəxs tərəfindən oğurlandığını əks etdirən videogörüntülər yayılıb.
İş adamının anasının sözlərinə görə, oğlu II Qarabağ müharibəsindən sonra müsəlmanlara qarşı kəskin mənfi münasibət bəsləməyə başlayıb.
Qadının sözlərinə görə, oğlu Qarabağda döyüşməyib, lakin hadisələri çox fəal şəkildə izləyib və Ermənistanla Azərbaycan arasındakı münaqişənin nəticələrindən dərin sarsıntı keçirib. Qadın oğlunun müsəlmanlara qarşı mənfi münasibətini bölüşmədiyini və onun yanıldığını vurğulayıb.
O həmçinin oğlunun sosial şəbəkələrdəki fəaliyyəti, eləcə də çeçenlərə və dağıstanlılara qarşı yazdığı təhqirlər barədə məlumatı olmadığını söyləyib.
