“Qarabağ” əla komandadır. Çox maraqlı oyun keçdi. Futbolçularıma, komandamızın qalib gələcəyinə inanırdım.
Globalinfo.az xəbər verir ki, bu sözləri “Sabah”ın baş məşqçisi Vasili Berezutski Azərbaycan Kubokunun finalında “Qarabağ”ı 3:2 hesabı ilə üstələdikləri oyundan sonra təşkil olunmuş mətbuat konfransında deyib.
Rusiyalı mütəxəssis komandadakı gələcəyi ilə bağlı verilən suala belə cavab verib:
“Futbolçular əllərindən gələni etdilər. Onları qələbə münasibəti ilə təbrik edirəm. Bu, onların əməyidir. “Sabah”ı tarixindəki ilk kubok münasibətilə təbrik edirəm.
Gələcək barədə indidən danışmaq üçün tezdir, nəsə demək düzgün olmaz. Sonda hər şey bəlli olacaq. Klub rəhbərliyi ilə bu barədə danışacağıq”.
Qeyd edək ki, kubokun qalibi olan “Sabah” növbəti mövsüm Azərbaycanı UEFA Avropa Liqasında təmsil edəcək.
