Səudiyyə Ərəbistanının “Ən-Nəsr” klubunun hücumçusu Kriştianu Ronaldo karyerası ərzində 15-ci dəfə bir mövsümdə 20-dən çox qol vurub.
Globalinfo.az oxu.az-a istinadən xəbər verir ki, 40 yaşlı hücumçu bunu ötən gün “Əl-Hilal”a qarşı səfər matçında (3:1) dubla imza atmaqla reallaşdırıb.
Portuqaliyalı futbolçu, həmçinin karyerasının 931-ci qoluna imza atıb.
Qeyd edək ki, K.Ronaldo Səudiyyə Ərəbistanı çempionatının cari mövsümündə 25 oyun keçirib, 21 qola və 3 məhsuldar ötürməyə imza atıb. Futbolçunun “Ən-Nəsr”lə hazırkı müqaviləsinin müddəti cari mövsümün sonuna qədərdir.
Onun transfer dəyəri 12 milyon avro olaraq qiymətləndirilir.
