19:52
ABŞ bazar günü İsrailin Qəzzada hərbi məqsədlərinə tam dəstək verib.
Globalinfo.az “Amerikanın səsi”nə istinadən xəbər verir ki, Rubio İsrail və HƏMAS arasında atəşkəsin birinci gərgin mərhələsinin iki həftə ərzində başa çatması və ikinci mərhələnin hələ razılaşdırılmadığı üçün regional turun başlanğıcında Qüdsdə İsrailin Baş naziri Benyamin Netanyahu ilə görüşüb.
Dövlət katibi Marko Rubio deyib ki, HƏMAS-ın “kökü kəsilməlidir” və “o, hərbi və ya hökumət qüvvəsi olaraq mövcud olmağa davam edə bilməz”.
Rubio ABŞ-ın yeni yüksək səviyyəli diplomatı kimi Yaxın Şərqə ilk səfəri zamanı Netanyahuya deyib ki, “HƏMAS idarə edə bilən və ya zorakılıq tətbiq etməklə hədələyən bir qüvvə olaraq qaldıqca, sülh imkansız olacaq”.
Rubio çox güman ki, ABŞ prezidenti Donald Trampın fələstinliləri Qəzzadan qonşu ölkələrə köçürmək və daha sonra İsrailə Aralıq dənizi sahili boyunca dar bir ərazini sahiblik və yenidən inkişaf etdirmək üçün ABŞ-a vermək planına qarşı ərəblərin davamlı müxalifəti ilə üzləşəcək.
ABŞ-ın müttəfiqləri və rəqibləri Trampın Qəzza planına hücum etsə də, Netanyahu bunu alqışlayaraq, onun və Trampın Qəzzanın gələcəyi ilə bağlı “ortaq strategiyası” olduğunu deyib.
İsrail lideri 2023-cü il oktyabrın 7-də müharibəyə səbəb olan hücumunda oğurlanan onlarla girovu azad edilməsə, HƏMAS-a “cəhənnəmin qapıları açıq olacaq” deyib.
Ərəb ölkələri uzun müddətdir ki, ABŞ-ın da dəstəklədiyi İsraillə yanaşı müstəqil Fələstin dövlətinin yaradılmasına çağırır. Lakin Netanyahu iki dövlət həllinin əleyhinədir.
ABŞ-ın Qəzzaya sahib olması da Qəzzanı və İsrailin işğalı altında olan İordan çayının qərb sahilini əhatə edən Fələstin dövlətinin yaradılması ehtimalına sıfıra endirəcək.
