Ekologiya və Təbii Sərvətlər Nazirliyinin təşkilatçılığı, “Bravo” supermarketlər şəbəkəsinin dəstəyi ilə növbəti “Tullantıları tinglərə dəyiş” aksiyası Bravo Koroğlu hipermarketin qarşısında keçirilib.
Globalinfo.az bildirir ki, aksiya zamanı vətəndaşlar ümumi tutumu 158 litr olan plastik, 105 litr olan şüşə butulka/banka və 245 ədəd işlənmiş batareya təhvil verərək əvəzində sərv, nar, badam, ərik tingləri əldə ediblər.
Nazirlik aksiyada fəal iştirak edərək təbiətə töhfə verən aksiya iştirakçılarına təşəkkür edir, hər kəsi tullantıları çeşidləmə vərdişlərinə yiyələnməyə, yaşıllıqların artırılmasına dəstək olmağa çağırır.
