İstanbul Baş Prokurorluğu Cümhuriyyət Xalq Partiyasının sədri Özgür Özəllə bağlı araşdırma başladıb.
Globalinfo.az “Qafqazinfo”ya istinadən xəbər verir ki, Özəl barəsində İstanbul baş prokuroru Akın Gürlekə qarşı təhqir xarakterli ifadələr səsləndirmək iddiası ilə araşdırma başlanılıb.
Məlumata görə, Ö.Özəl saxlanıldıqdan sonra vəzifəsindən uzaqlaşdırılan Esenyurtun bələdiyyə sədri Ahmet Özerə həbsxanada baş çəkib.
Ziyarətdən sonra CHP sədri mediaya açıqlama verərək, A.Gürleki tənqid edib: “Gün gələr, mən yenə burada dayanaram. Sən isə kim bilir, hansı sosial media hesabından bizə hücum edərsən. Sənə xəbərdarlıq edirəm, bir ölkənin taleyi ilə oynama”.
Onun Gürleklə bağlı səsləndirdiyi bu fikirləri barəsində araşdırma başladılmasına səbəb olub.
Onu da xatırladaq ki, Ahmet Özer cari ilin oktyabrın sonunda PKK terror təşkilatı ilə əlaqəli olmaq şübhəsi ilə həbs edilmişdi.
Fotoda
Akın Gürlek
Ahmet Özer
