Gürcüstanın keçmiş prezidenti Mixail Saakaşvili Prezident Salome Zurabişviliyə müraciət edib.
Globalinfo.az xəbər verir ki, bu barədə Saakaşvili özünün sosial şəbəkə hesabındakı paylaşımda bildirib.
O, Zurabişviliyə müraciətində əfv olunmasını istəyib:
“Mən Prezident Salome Zurabişvili ilə həmrəy olduğumu bildirirəm. Onun təxribata uymaması və Rusiya prokurorluğunun tələbi ilə razılaşmaması xoşuma gəldi. Xanım Salomenin Dmitri Medvedyevin hədəsini gözdən qaçırmaması diqqət çəkir. Kremlin məhz bu kimi göstərişləri nəticəsində mən üç ildən artıqdır ki, qondarma ittihamlarla həbsxanadayam. Salome Zurabişvilinin bu qanunsuz həbsə görə məsuliyyət daşıyan şəxs olmasını istəmirəm. O, bu ədalətsizliyi həqiqətən aradan qaldıra bilər”.
