“Əliyev Ermənistan hakimiyyətinin qarşısına tələblərini bir-bir qoyur, hakimiyyət də bunu icra edir”.
Globalinfo.az Publika.az-a istinadən xəbər verir ki, bunu erməni türkoloq Varujan Qeqamyan deyib.
Onun sözlərinə görə, Azərbaycanın tələblərindən biri Ermənistanın demilitarizasiyasıdır (döyüş əməliyyatlarının aparılmasının qadağan edilməsi).
“Bu tələbin icrası ilə Ermənistan ordusunda xidmət etmiş istənilən şəxs Azərbaycan tərəfindən cinayət məsuliyyətinə cəlb edilə bilər. Ermənistan hakimiyyəti bu hüquqi Azərbaycana verir. Ermənistan ordusunda xidmət etmiş şəxslər istənilən üçüncü ölkədə Azərbaycanın tələbi ilə Bakıya təhvil verilə bilər. Qarabağda döyüşmüş şəxslər Azərbaycan tərəfindən həbs olunacaqlar”, – Qeqamyan iddia edib.
Erməni ekspert hesab edir ki, Ermənistan-Azərbaycan danışıqlarının aparıldığı sənəddə Xocalı soyqırımının rəsmi İrəvan tərəfindən tanınması və günahkarların cəzalandırılması da öz əksini tapır.
