Kəlbəcərdə səkkiz nəfər minaya düşüb.
Globalinfo.az xəbər verir ki, bu barədə Baş Prokurorluq və Müdafiə Nazirliyi birgə məlumat yayıb.
Bildirilib ki, dekabrın 14-də, saat 18 radələrində Kəlbəcər rayonunun Çıraq kəndi ərazisində səkkiz nəfər şəxsin minaya düşməsi barədə Kəlbəcər hərbi prokurorluğuna məlumat daxil olub.
Aparılmış ilkin araşdırmalarla müəyyən olunub ki, təmir-tikinti işləri ilə məşğul olan şirkətin dörd nəfər əməkdaşı Kəlbəcər rayonunun Çıraq kəndi ərazisində piyada əleyhinə minaya düşüb.
Həmçinin, müəyyən olunub ki, təxliyyə ilə bağlı hadisə yerinə yollanan dörd nəfər hərbçi də minaya düşüb, onlardan üçü müxtəlif dərəcəli bədən xəsarətləri alıb, biri isə ölüb.
Hazırda faktla bağlı Kəlbəcər hərbi prokurorluğunda araşdırma aparılır.
***
Kəlbəcərdə mina partlayışı nəticəsində şəhid olan hərbçimizin kimliyi məlum olub.
Globalinfo.az xəbər verir ki, minaya düşərək şəhadətə ucalan hərbçimiz Tovuz rayonundan olan Baş gizir Hümbətov Zöhrab Məmməd oğludur.
***
Kəlbəcərdə mina partlayışı zamanı dörd mülki şəxsdən əlavə iki nəfər hərbçi də minaya düşüb.
Globalinfo.az Oxu.az-a istinadən xəbər verir ki, minaya düşən hərbçilərdən biri şəhid olub.
Qeyd edək ki, minaya düşən mülki şəxslərdən biri də vəfat edib.
***
Bu gün axşam saatlarında Kəlbəcər rayonunun Çıraqlı kəndi ərazisində infrastruktur layihələrində çalışan 4 nəfərin minaya düşərək xəsarət alması ilə bağlı rayon polis şöbəsinə məlumat daxil olub.
DİN-in mətbuat xidmətindən Globalinfo.az-a verilən xəbərə görə, hazırda polis əməkdaşları aidiyyəti dövlət qurumlarının nümayəndələri ilə birlikdə hadisə yerinə cəlb ediliblər.
