Fransız aktyoru Alen Delonun Orlean yaxınlığındakı malikanəsində dəfn mərasimi keçirilib.
Globalinfo.az xəbər verir ki, aktyor malikanənin ərazisində tikdirdiyi kilsədə dəfn olunub.
Mərasimdə onun üç övladı və yaxın dostları iştirak edib.
Delon sağlığında vida mərasiminin kiçik olmasını, rəsmi və ya dini tədbirlər olmadan baş tutmasını arzuladığını bildirib.
Qeyd edək ki, aktyor avqustun 18-də 88 yaşında Fransanın Duşi kommunasındakı evində dünyasını dəyişib.
