Ədalət, Hüquq, Demokratiya (ƏHD) Partiyasının sədri, 36 saylı Xətai-Suraxanı Seçki Dairəsindən deputatlığa namizəd Qüdrət Həsənquliyevin seçki kampaniyası çərçivəsində seçicilərlə növbəti görüş keçirilib.
Globalinfo.az bildirir ki, ƏHD Partiyası mətbuat xidmətinin yaydığı məlumata görə, görüşdə partiyanın səlahiyyətli nümayəndələri-ƏHD Partiyasının baş katibi Yaşar Kələntərli və Ali Məclisin sədri Vaqif Abışov iştirak edib.
Yaşar Kələntərli Qüdrət Həsənquliyevin keçdiyi yol, siyasi fəaliyyəti və platforması barədə məlumat verib.
Ali Məclisin sədri Vaqif Abışov da öz növbəsində seçiciləri maraqlandıran məsələlərlə bağlı danışıb və onları seçkidə aktiv olmağa çağırıb.
