Hazırda Ukraynada səfərdə olan Avropa İttifaqının xarici əlaqələr və təhlükəsizlik siyasəti üzrə ali nümayəndəsi Cozef Borrell Kiyevdə sığınacaqda gizləndiyini bildirib.
Globalinfo.az xəbər verir ki, Aİ-nin ali nümayəndəsi bu barədə “X” platformasında paylaşım edib.
O, Kiyevə kütləvi raket hücumları səbəbindən gecəni sığınacaqda keçirdiyini qeyd edib:
“Hazırda bütün paytaxt ərazisində hava hücumu ilə bağlı xəbərdarlıq siqnalları səslənir. Bu vəziyyət Rusiyanın təcavüzə başladığı andan bu yana cəsur Ukrayna xalqının gündəlik reallığıdır”.
Əliyar Xəlil
Globalinfo.az
