Bakı Hərbi Məhkəməsində 1993-cü ildə Fikrət İbrahimov adlı şəxsi qətlə yetirməkdə təqsirləndirilən Nazim Bayramovun cinayət işi üzrə növbəti proses keçirilib.
Globalinfo.az Qaynarinfo-ya istinadən xəbər verir ki, hakim Camal Ramazanovun sədrliyi ilə keçirilən iclasda Nazim Bayramov ifadə verib.
Nazim Bayramov
O, bildirib ki, Firkət İbrahimov dövlətə məxsus daş karxanasının rəhbərliyində çalışıb. Onun fəaliyyətində maliyyə pozuntuları aşkarlanıb. “Bu məsələni aydınlaşdırmaq üçün onun evinə gəldik” deyən Nazim Bayramovun sözlərinə görə, Firkət İbrahimov odlu silahla intihar etmək istəyib. Ona mane olmaq istəyərkən birinci atəş açılıb və o, ağır yaralanıb.
Nazim Bayram ikinci atəşin də ehtiyatsızlıqdan açıldığını bildirib. O, Fikrət İbrahimovu qətlə yetirmək niyyətində olmadığını deyib.
Dövlət ittihamçısı isə Nazim Bayramovun məhkəmədə dedikləri ilə istintaqa verdiyi ifadənin üst-üstə düşmədiyini bildirib.
Bundan sonra məhkəmə iyulun 10-na qədər təxirə salınıb.
1993-cü ildə qətlə yetirilən Fikrət İbrahimov
Nazim Bayramov 1993-1994-cü illərdə dövlət çevrilişinə cəhd hadisələri ilə 10 ildən artıq həbsxana həyatı yaşayıb. Onun keçmiş baş nazir Sürət Hüseynovun rəhbərlik etdiyi hərbi birlikdə tank alayının komandiri olduğu bildirilir. Firkət İbrahimov da onunla birgə Sürət Hüseynovun rəhbərliyi altında fəaliyyət göstərib.
